hok sengoti/hok sungguh....

Hok Sengoti

Larghe tok serupo dengen suroh
Hok comey bakpo dok ppakat kato udoh
Saye soh doh laing denge beci
Jerok mameir tok serupo dengen jerok celagi

Takot ado keno mengeno dengen keta gega
Serupo tulo ado ssabit denge samo
Ngiga sbenarnya ada sabit denge kemama
Selok tak dok bezo dengan tok kaba

Sapo kato buluh tu galoh
Sapo kato ttekeng tu tok bkkekoh
Naka laing sikit denge jahat
Dawa pun oghe duk pangge khawak

Kalu tunggo tok srupo tughuh paga
Sengotilah tolo tok srupo dengen panda
Lagu mana ggadoh, belah tu jugoklah loghat
Gapo bezo wak loloq denge nnawok
Lagu mano pulok kkhabak.

Tak cekattak dok bezzo denge leloh
Senyung semeweh tok serupo dengen sengeh
Bbaling tu laen dengen kipah anging
Breng abe sikit jah pado kerah keng

Kito tok leh wak tok tetu kalu
Oghe serabuk ngeleh kito tok tahu
Kito duk ghalit berembah bbadi cah keting
Oghe laeng gi seghuh-seghah,
Kito dok ppakat gheboh teguling

Ulat kekek jangen wi ttuka denge ulat belucah
Jale bejeket jange kato srupo denge hungga derah
Kalu kkarak buleh agi kito kikih
Hok gelonggong lagu mano pakat kato tokleh nok isi?

Payoh sengoti nok bekecek nok bbkiro
Culah lagu lain tok srupo dengen celiko
Payoh jugk nok bezzo mano lakone mano sendiwaro
Hok sengotinyo, manih lleting tu belung tetu ibu gulo!